له‌ قه‌سابخانه‌وه‌ بۆ باره‌گا, هه‌ژێن

له‌ قه‌سابخانه‌وه‌ بۆ باره‌گا

هه‌ژێن
03.04.2009

تۆ هاتی و دڵم کرده‌ سفره‌ بۆت
تۆ ناوه‌خت هاتی و سفره‌م خاڵی بوو
له‌به‌رده‌مت راکشام و وتم “ها سه‌رم ببڕه‌”
تۆ ناوه‌خت هاتی و ئه‌لبومێکی ته‌مه‌ندرێژم بۆت کرده‌وه‌
نه‌مزانی ناوه‌خت ده‌ڕۆی و وێنه‌کانت گشت ڕه‌شده‌که‌یته‌وه‌

تۆ ناوه‌خت له‌ په‌نجه‌ره‌وه‌ هاتی,
به‌ڵام کچه‌دراوسێکه‌مان له‌ ده‌رگه‌وه‌ ماچی بۆ هه‌ڵدام
بیست و هه‌شت ساڵ له‌مه‌وبه‌ر
به‌ر له‌ کۆچی ناخواسته‌ی خۆی
ساڵێ به‌ر له‌ پێشمه‌رگکه‌وتنم
لێی پرسیم “تۆ چیت”
که‌چی تۆ دوو ڕۆژ له‌مه‌وبه‌ر
بۆت نووسیم “تۆ سه‌گیت”
پێم سه‌یر بوو، تازه‌ زانیوه‌ته‌ من به‌ڕه‌ڵام وه‌ك سه‌گ
ئه‌و به‌گوێیدا چرپاندم “شه‌یدایی به‌ڕه‌ڵاییتم”
تۆ به‌گوێمدا ده‌ده‌ی “خه‌ساره‌ له‌ قه‌سابخانه‌دا نه‌مری”
ئه‌و له‌ ده‌رگه‌وه‌ ڕۆیشت و ماڵئاوایی کرد
تۆ که‌ ڕۆیشتی به‌ردت گرته‌ په‌نجه‌ره‌که‌م و
یاداوه‌رییه‌که‌ت له‌توپه‌ت کرد
ئه‌و پێش ڕۆیشتن، دڵمی کرده‌ گوڵدان
به‌لام تۆ به‌ر له‌ ڕۆیشتن، گوڵه‌کانت شیلان
جیاوازی نێوان ئه‌و و تۆ، ئاسمانه‌ و رێسمان
تۆ ده‌ته‌وێت بێهۆشم که‌ی و ئه‌و هانیدام،
بگه‌ڕێمه‌وه‌ ناخی خۆم و بکه‌ومه‌ به‌راوردی:
به‌رده‌رگه‌ی قه‌سابخانه‌ و باره‌گای پارت
به‌ڕه‌ڵایی سه‌گ و گوێله‌مستی ئه‌ندامی لات
به‌ڕه‌ڵایی له‌ پانتایی هۆشی تۆدا و
گوێڕایه‌ڵی کوێڕانه‌ له‌ لای ئه‌و

دونیایه‌ك له‌ ناکۆکی، خه‌روارێك وێنه‌ی ناجۆر
کچه‌ هاوسێکه‌م به‌ کوته‌ك به‌شوو درا
به‌ڵام تۆ خۆخواستانه‌ گه‌ڕایته‌وه‌ ڕیزی پاشڕه‌وان
گوێڕایه‌ڵی پۆڵایین و
بیرکردنه‌وه‌ له‌ بێتاوانی کوژراو، پاش گوله‌باران
ئه‌و ڕۆیشت و وێنه‌کانی له‌سه‌ر دڵم هه‌ڵکۆڵێن
تۆ ڕۆیشتی و ژه‌هرت به‌ شوێنه‌واریانا ڕشت و هه‌مووت سڕین
ئه‌و ڕۆیشت و ئێستاش له‌دووی ده‌گه‌رێم
تۆ ڕۆیشتیته‌وه‌ باره‌گا و ده‌مه‌وێت له‌ هۆشمت ده‌رکه‌م
ئه‌و تائێستاش له‌ته‌ك چاره‌نووسی سه‌پاویا ده‌جه‌نگێ
تۆ مه‌ستی،
ناخت خه‌ریکی گریانه‌ و ڕوخسارت قاقا پێده‌که‌نێ

ماڵئاوا ناوه‌خته‌ هاوڕێ، وا به‌ره‌و قه‌سابخانه‌ ده‌ڕۆم،
خه‌ریکم ئازادانه‌ له‌ خواکان ده‌وه‌ڕێم
سه‌رمه‌ستانه‌ له‌ کچه‌ دراوسێکه‌مان ده‌گه‌رێم
ماڵمان نزیك قه‌سابخانه‌ بوو
کیمیایی دارگوێزه‌که‌ی ئێمه‌ و
گوڵه‌باخه‌که‌ی حه‌وشه‌ی ئه‌وانی په‌ژمورده‌ کرد
ئه‌و کات تۆ یاخیبووی، به‌ڕه‌ڵا وه‌ك ئێستای من

بڕۆ ده‌زانم و دڵنیام
تۆ بڕیارت داوه‌ بێ ئاوڕدانه‌وه‌ بڕۆی بۆ خانه‌قا
تاکو خوا له‌ تاوانی ڕۆژانی به‌ڕه‌ڵاییت ببوورێت
به‌ڵام من بڕیارم داوه‌ له‌ خواکان نه‌بوورێم
تۆ له‌بیرت چووه‌، من کێم
من سه‌گێکی گۆشنه‌خۆڕم، به‌ڵام ئازاد
سه‌ر به‌ هه‌موو کۆڵانێکدا ده‌که‌م،
هه‌موو که‌لاوه‌یه‌ك ده‌که‌مه‌ سه‌رپه‌نام
ده‌زانی بۆ به‌رده‌رگه‌ی قه‌سابخانه‌کانم گرتووه‌
چونکه‌ چاوم له‌ قوڕقوراگه‌ی قه‌سابه‌کان بڕیوه‌
هه‌رگیز سه‌ر به‌ خانه‌قا و مه‌یخانه‌ و باره‌گای پارتدا ناکه‌م
حه‌زم له‌ بیستنی قیژه‌ و هاتوهاواری له‌شفرۆشخانه‌کان نییه‌
من به‌ڕه‌ڵام و بێسه‌روه‌رم
من دوژمنی بۆینباخ له‌مل و تاج له‌سه‌رم
بێزم له‌ به‌رماوه‌ی خوانی میران ده‌بێته‌وه‌
بۆنی ڕشانه‌وه‌ی ڕامیاران و بنهه‌نگڵی خزمه‌تکارانی لێدێت
بۆنی ناوگه‌ڵی مه‌لا و قه‌شه‌ و پێخه‌مبه‌ران
بڕۆ ماڵئاوا، ماری تۆپیو ناخه‌مه‌ به‌رپێت
با هه‌رکه‌سه‌ و ڕێی شاری خه‌ونه‌کانی بگرێت
گرنگ کچه‌ درواسێکه‌مه‌ ببیستێت، ئه‌هریمه‌ن چی ده‌بێژێت
“ژیان خۆشه‌ویستییه‌ و خۆشه‌ویستیش به‌بێ ئازادی ده‌موده‌ست ده‌مرێت”
هه‌ژێن

وتاری سیاسی

  • 
    بەیاننامەی پارتی سەربەستیی کوردستان لە پێوەندی بە ڕزگارکردنەوەی شنگاڵ، و ڕووداوەکانی دوزخورماتووی باشوری کوردستان

      ڕزگاری شنگاڵ. خەڵکی هەردەم خۆراگرو تێکۆشەری کوردستان. ڕێکەوتی ١٣ / ١١ / ٢٠١٥ مزگێنی ڕزگارکردنەوەی شنگاڵ لە لایەن سەرۆکی هەرێمی کوردستانەوە لە پرێس کۆنفرانسێکدا ڕاگەیاندرا. کە بە بەشداری دەیانهەزار لە پێشمەرگەکانی کوردستان و بە سەر پەرەستی بەڕێز مەسعود بارزانی فەرماندەی گشتیی هێزە چەکدارەکان و سەرۆکی هەرێمی کوردستان، و هەروەها بە بەشداری فرۆکەکانی هاویەیمانی شەری دژی داعش، و هێزەکانی پێکاکا و یەپەگە بەشداریان تێیدا هەبووە. هەواڵی ڕزگاربوونی شنگاڵ هەموو کوردێکی خەمخۆری نیشتیمانی لە هەر قوژبنێکی جیهانداخۆشحاڵکرد. بەو بۆنەوە وەک پارتی سەربەستیی کوردستان پیرۆزبایی بە دەستهێنانەوەی ئەو شارە ...

مافی مرۆڤ

    
  • هیچ کەس ولایەنێک ناتوانێ تاوانبارانی جینۆساید بەرەڵا بکات

    لەمێژە هەوڵەکان بۆ بەرەڵاکردنی تاوانباری ئەنفال سوڵتان هاشم  لە ئارادایە ،بەلام بەهۆی فشارەکانی  کەسو کاری قوربانیان جینۆساید و چین و توێژەکانی تری عیراقەوە  سەرکەوتوو نەبوە. وا جارێکی تر دەنگۆی بەرەڵا کردنەکەی  دەبیستین لە میدیاکانی راگەیاندنەوە گوایە ئەمجارە  جەند کەس و لایەنێک  لەهەوڵدان بۆ بەردانی ئەم تاوانبارە ئەویش بەپێی ڕیکەوتن و مامەڵەیەکی سایسیە  بۆ ئازاد کردنی شاری موسڵ . ئەم کارە نارەوایە  هەرچۆنێک بێت دژ بە هەموو پرەنسیپەکانی مافی مرۆڤ و پێشێلکاریەکی زەقی یاسا و دادوەریە،لەگەڵ ئەوەشدا &n ...

بابه‌تی هونه‌ری

    
  • له‌ قه‌سابخانه‌وه‌ بۆ باره‌گا, هه‌ژێن

    له قه سابخانه وه بۆ باره گاهه ژێن03.04.2009تۆ هاتی و دڵم کرده سفره بۆتتۆ ناوه خت هاتی و سفره م خاڵی بووله به رده مت راکشام و وتم “ها سه رم ببڕه ”تۆ ناوه خت هاتی و ئه لبومێکی ته مه ندرێژم بۆت کرده وه نه مزانی ناوه خت ده ڕۆی و وێنه کانت گشت ڕه شده که یته وه تۆ ناوه خت له په نجه ره وه هاتی,به ڵام کچه دراوسێکه مان له ده رگه وه ماچی بۆ هه ڵدامبیست و هه شت ساڵ له مه وبه ربه ر له کۆچی ناخواسته ی خۆیساڵێ به ر له پێشمه رگکه وتنملێی پرسیم “تۆ چیت”که چی تۆ دوو ڕۆژ له مه وبه ربۆت نووسیم “تۆ سه گیت”پێم سه یر بوو، تازه زانیوه ته من به ڕه ڵام وه ك سه گئه و به ...